સ્થાનિક સ્વરાજ્યની આગામી ચુંટણીઓને ધ્યાને રાખી જીલ્લામાં કાયદો અને વ્યવસ્થા જાળવવાના ભાગરૂપે મોરબી એસઓજી ટીમે મોટી સફળતા મેળવી છે. ટંકારા પોલીસ સ્ટેશનમાં નોંધાયેલ હથિયારબંધીનાં ગુનામાં છેલ્લા ૩ વર્ષથી નાસતા ફરતા આરોપીને ઝડપી પાડી કાયદેસરની કાર્યવાહી હાથ ધરવામાં આવી છે.
એસ.ઓ.જી. સ્ટાફને મળેલી ચોક્કસ બાતમીના આધારે ટંકારા પોલીસ સ્ટેશનના બી પાર્ટ ગુ.ર.નં. ૦૦૬૨/૨૦૨૩, આર્મ્સ એક્ટ કલમ ૨૫(૧ બી)એ તથા જી.પી.એક્ટ કલમ ૧૩૫ મુજબના ગુનામાં સંડોવાયેલ આરોપી રીયાજખાન ઉર્ફે મુન્નો મેહબૂબખાન ફતેહાનને દબોચી લેવાયો છે. વાંકાનેર બાઉન્ટ્રી પાસે ગરીબ નવાજ ફાર્મ, ભલગામ ખાતે રહેતા આ આરોપીને પકડી પાડી આગળની તપાસ માટે ટંકારા પોલીસને સોંપવાની તજવીજ હાથ ધરાઈ છે.
