સમાજસેવા અને માનવતાની ભાવનાને સાકાર કરતાં ફિટનેસ વુમન ગ્રુપ અગ્રણી ના જન્મદિવસ નિમિતે રક્તદાન શિબિર થતા વ્હીલ ચેર વિતરણ કાર્યક્રમનું આયોજન કરવામાં આવ્યું હતું.રક્તદાન શિબિરમાં મોટી સંખ્યામાં રક્તદાતાઓએ રક્તદાન કર્યું હતું.
ફિટનેસ વુમન ગ્રુપના અગ્રણી કાજલબેન આદ્રોજાના જન્મદિવસ નિમિતે તા. 20 ઑક્ટોબર, 2026ના રોજ હરિગુણ રેસિડેન્સી, મહેન્દ્રનગર ખાતે રક્તદાન શિબિરનું આયોજન કરવામાં આવ્યું હતું. આ રક્તદાન શિબિર સંસ્કાર ઇમેજિંગ સેન્ટર બ્લડ બેંકના સહયોગ થી યોજાઈ હતી. જે રક્તદાન શિબિરમાં ૯૦ રક્તદાતાઓએ ઉમટી પડીને રક્તદાન કર્યું હતું.
આ કાર્યક્રમની વિશેષતા એ રહી કે કાજલબેનના જન્મદિવસ નિમિત્તે એક દિવ્યાંગ વ્યક્તિને વ્હીલચેર પણ અર્પણ કરવામાં આવી હતી. આ સેવાકાર્ય દ્વારા દિવ્યાંગ વ્યક્તિને મદદરૂપ થવાનો તેમના જીવનમાં સુવિધા તથા ખુશી ઉમેરવાનો સરાહનીય પ્રયાસ કરવામાં આવ્યો હતો. આ પહેલે માનવતા, કરુણા અને પરોપકારનો સુંદર સંદેશ આપ્યો હતો. કેક કટિંગ સાથે સૌએ કાજલબેનને જન્મદિવસની શુભેચ્છાઓ પાઠવી હતી. પરંતુ આ ઉજવણીની સાચી સુંદરતા એ હતી કે ખુશીના આ અવસરને રક્તદાન અને જરૂરિયાતમંદ વ્યક્તિને સહાય જેવા સેવાકીય કાર્યો સાથે જોડવામાં આવ્યો હતો.
જન્મદિવસની ઉજવણી સામાન્ય રીતે કેક કટિંગ અને શુભેચ્છાઓ પૂરતી મર્યાદિત રહેતી હોય છે, પરંતુ કાજલબેન આદ્રોજાએ પોતાના જન્મદિવસને સમાજસેવા અને માનવતાના કાર્ય સાથે જોડીને એક પ્રેરણાદાયી ઉદાહરણ પૂરું પાડ્યું હતું. તેમણે જન્મદિવસની ઉજવણીને માત્ર વ્યક્તિગત ખુશી પૂરતી સીમિત ન રાખતાં, જરૂરિયાતમંદ લોકોના જીવનમાં ખુશી લાવવાનો ઉમદા પ્રયાસ કર્યો હતો.
આમ, ફિટનેસ વુમન દ્વારા આયોજિત આ કાર્યક્રમ માત્ર જન્મદિવસની ઉજવણી ન બની રહેતાં, સમાજમાં સેવા, સહકાર, રક્તદાન અને માનવતાના મૂલ્યોને પ્રોત્સાહન આપતો પ્રેરણાદાયી પ્રસંગ બની રહ્યો હતો
“જન્મદિવસની સાચી ઉજવણી ત્યારે સાર્થક બને છે, જ્યારે આપણી ખુશી કોઈના જીવનમાં આશાનું નવું કિરણ બનીને ઝળહળે.” તેવા ઉદ્દેશ સાથે કાજલબેન આદ્રોજા અને રાજેશભાઈ આદ્રોજા ઉજવણીને દીપાવી હતી. તો રક્તદાન શિબિરમાં સંસ્કાર બ્લડ બેન્કના અગ્રણી રમેશભાઈ એ સહયોગ પૂરો પાડ્યો હતો.
“રક્તદાન કરો, જીવનદાન આપો; સેવાભાવથી માનવતાનો દીપ પ્રગટાવો.”
