વાંકાનેરના ઝાલી ગામની સીમમાં આવેલી વાડીમાંથી અજાણ્યા તસ્કરો પાણીની મોટર અને વાયરની ચોરી કરી ગયા હોવાની ફરિયાદ વાંકાનેર સીટી પોલીસ મથકે નોંધાઈ છે. ખેડૂતની વાડીને નિશાન બનાવી થયેલી આ ચોરીના બનાવને પગલે પોલીસે તપાસનો ધમધમટ તેજ કર્યો છે.
બનાવની વિગતો અનુસાર, ઝાલી ગામે રહેતા અજયભાઈ છનાભાઈ ખમાણી નામના ખેડૂતની વાડીમાંથી રાત્રિના સમયે કોઈ અજાણ્યા શખ્સોએ પ્રવેશ કરી, ૨૦,૦૦૦ રૂપિયાની કિંમતની પાણીની મોટર તથા ૫,૦૦૦ રૂપિયાની કિંમતનો સર્વિસ વાયર મળી કુલ ૨૫,૦૦૦ રૂપિયાના મુદ્દામાલની ચોરી કરી હતી. આ મામલે અજયભાઈએ વાંકાનેર સીટી પોલીસ સ્ટેશનમાં અજાણ્યા ઈસમ વિરુદ્ધ ફરિયાદ નોંધાવતા પોલીસે ચોરીનો ગુનો નોંધી તસ્કરોને પકડવા ચક્રો ગતિમાન કર્યા છે.