અનેક સામાજીક અને સેવાભાવી કાર્યો કરતી મોરબીની સંસ્થા મુસ્કાન વેલ્ફેર સોસાયટીના ધ્યાનમાં આવ્યુ કે ફેક્ટરીમાં નોકરી કરતા પિતાની પુત્રીને ફી માટે આર્થિક મદદની જરૂરત છે.
તાત્કાલિક સંસ્થાની મહિલા સદસ્યોએ મળી પોતેજ પોતાના આર્થિક સહયોગ આપી રકમ એકઠી કરી નર્સિંગ (GNM) માં અભ્યાસ કરતી વિદ્યાર્થીની કુ. ટ્વિકંલ કનુભાઈ ગોહિલની પ્રથમ સેમેસ્ટરની ફી રૂ. 20 હજાર ભરી આપી હતી. અને વિદ્યાર્થીનીને વધુ અભ્યાસ માટે પણ પ્રોત્સાહિત કરવા સાથે હુંફ પુરી પાડી હતી. આગળના સમયમાં પણ મુસ્કાન વેલ્ફેર સોસાયટી આ જાતના સેવાકાર્યો કરવા કટ્ટિબધ હોવાનું સંસ્થાની યાદીમાં જણાવાયુ છે.