હળવદના કોયબા જવાના રોડ પર વૃદ્ધ દંપતી બાઈક પર જતું હતું ત્યારે રોજડું આડું ઉતરતા બાઈક સ્લીપ થયું હતું જે અકસ્માતમાં બાઈક ચાલક વૃદ્ધનું મોત થયું છે જયારે પાછળ બેસેલ પત્નીને ઈજા પહોંચી છે
હળવદના ભવાનીનગર ઢોરો વિસ્તારના રહેવાસી કાળુભાઈ અમરશીભાઈ સાબરીયા (ઉ.વ.૭૦) નામના વૃદ્ધ અને તેના પત્ની વસંતબેન બંને બાઈક જીજે ૩૬ એએન ૩૬૩૦ લઈને કોયબા રોડ પર રંગીલા હનુમાનજી રોડ પરથી જતા હતા ત્યારે રોડ પર અચાનક રોજડુ આડું આવતા બાઈક રોજડા સાથે અથડાતા સ્લીપ થયું હતું જે અકસ્માતમાં બાઈક ચાલક કાળુભાઈ સાબરીયાનું મોત થયું હતું જયારે પત્ની વસંતબેનને સામાન્ય ઈજા પહોંચી છે હળવદ પોલીસે બનાવની નોંધ કરી તપાસ ચલાવી છે