મોરબી શહેર મંડળ મહિલા મોરચા પ્રમુખ જાગૃતિબેન ગઢિયાને નવયુગ પરિવારના હાર્દિક અભિનંદન

“સેવા જેમનો સંકલ્પ, સમાજ જેમનું કર્તવ્ય અને નારીશક્તિ જેમની ઓળખ — એવા નવયુગ પરિવારના ભૂતપૂર્વ સ્ટાફ જાગૃતિબેન ગઢિયાને નવી જવાબદારી બદલ નવયુગ પરિવારના હાર્દિક અભિનંદન”

નવયુગ પરિવારના સભ્ય જાગૃતિબેન રાજેશભાઈ ગઢિયાની ભારતીય જનતા પાર્ટી, મોરબી શહેર મંડળ મહિલા મોરચાના પ્રમુખ તરીકે વરણી થવા બદલ સમગ્ર નવયુગ પરિવાર તથા પી.ડી. કાંજીયા તરફથી હાર્દિક અભિનંદન અને ખૂબ ખૂબ શુભકામનાઓ. જાગૃતિબેનનો નવયુગ પરિવાર સાથેનો નાતો પણ વિશેષ રહ્યો છે. તેઓએ નવયુગ ગ્રુપ ઓફ એજ્યુકેશનમાં શિક્ષક તરીકે પોતાની સેવાઓ આપી હતી અને એક કર્તવ્યનિષ્ઠ, સેવાભાવી તથા વિદ્યાર્થીઓ પ્રત્યે સમર્પિત શિક્ષક તરીકે પોતાની આગવી અને અમીટ છાપ છોડી હતી. આજે પણ નવયુગ પરિવાર સાથે તેમનો આત્મીય સંબંધ યથાવત્ છે, જે અમારા માટે આનંદ અને ગૌરવની બાબત છે.

શિક્ષણક્ષેત્રની સાથે જાગૃતિબેન વર્ષોથી અનેકવિધ સામાજિક, સેવાકીય, ધાર્મિક અને જનજાગૃતિની પ્રવૃત્તિઓ સાથે સક્રિય રીતે જોડાયેલા છે. વૃક્ષારોપણ, બ્લડ ડોનેશન કેમ્પ, રાષ્ટ્રીય સ્વચ્છતા અભિયાન, સમૂહલગ્ન સમિતિમાં સેવા, મહિલા સમિતિમાં કારોબારી સભ્ય તરીકે જવાબદારી સહિત અનેક સામાજિક અને ધાર્મિક સેવાકાર્યોમાં તેમનું યોગદાન પ્રશંસનીય રહ્યું છે. ખાસ કરીને મહિલાઓને સંગઠિત કરવા, નારીશક્તિને પ્રોત્સાહિત કરવા, સામાજિક જાગૃતિ ફેલાવવા અને જરૂરિયાતમંદ લોકો સુધી સેવાભાવ સાથે પહોંચવાના તેમના પ્રયાસોએ સમાજમાં તેમની એક આગવી ઓળખ ઊભી કરી છે. જાગૃતિબેનની વર્ષોની સેવાભાવના, કાર્યનિષ્ઠા અને સંગઠનશક્તિને મળેલું આ નવું દાયિત્વ તેમના સતત સામાજિક યોગદાનનું ગૌરવપૂર્ણ સન્માન છે.