મોરબી હળવદ હાઈવે પર તપોવન આશ્રમ સામે કન્ટેનરના ચાલકે મોટર સાઈકલને હડફેટે લેતા ચાલકને ગંભીર ઈજા પહોચતા તેનું મૃત્યુ નીપજ્યું હતું જે મામલે મોરબી તાલુકા પોલીસે નોંધ કરી વધુ તપાસ હાથ ધરી છે.
હળવદના ખારીવાડી વિસ્તારમાં રહેતા ચતુરભાઈ માવજીભાઈ દલવાડી એ મોરબી તાલુકા પોલીસમાં ફરિયાદ નોંધાવી છે કે તેના દીકરા રાજેશભાઈ પોતાનું મોટર સાઈકલ જીજે ૩૬ એચ ૨૩૮૮ લઈને ઘૂટુંથી ઘરે આવતા હોય દરમિયાન હળવદ મોરબી હાઈવે પર ધર્મગંગા સોસાયટી પાસે તપોવન આશ્રમ સામે રોડ પર કન્ટેનર જીજે ૧૨ બીટી ૮૮૪૨ ના ચાલકે કન્ટેનર પુરઝડપે ચલાવી રાજેશભાઈના મોટર સાઈકલને પાછળથી ઠોકર રોડ પર પડી જતા માથાના ભાગે ઈજા પહોચતા તેનું મૃત્યુ નીપજ્યું હતું જે મામલે મોરબી તાલુકા પોલીસે ફરિયાદ નોંધી વધુ તપાસ હાથ ધરી છે