મોરબીમાં સામાજિક સેવાના ભાગરૂપે આગામી સમયમાં એક ભવ્ય બ્લડ ડોનેશન કેમ્પનું આયોજન કરવામાં આવ્યું છે. સ્વ. ધવલભાઈ ખીમજીભાઈ રાંકજાની સ્મૃતિમાં તેમની છઠ્ઠી પુણ્યતિથિ નિમિત્તે આ કેમ્પ યોજાશે. રક્તદાન એ જ મહાદાનના સૂત્રને સાર્થક કરવા અને જરૂરિયાતમંદ દર્દીઓને સમયસર લોહી મળી રહે તેવા ઉમદા હેતુથી આ સેવાકીય પ્રવૃત્તિ હાથ ધરવામાં આવી છે.
આ બ્લડ ડોનેશન કેમ્પ આગામી તારીખ ૧૭/૦૬/૨૦૨૬ ને બુધવારના રોજ યોજાશે. કેમ્પનો સમય સવારે ૮:૦૦ થી બપોરે ૧:૦૦ વાગ્યા સુધીનો રાખવામાં આવ્યો છે. મોરબીના જીઆઇડીસી મેઇન રોડ પર આવેલા સંસ્કાર ઇમેજીંગ સેન્ટર ખાતે આ કેમ્પનું સ્થળ નિયત કરવામાં આવ્યું છે. આ રક્તદાન કેમ્પનું આયોજન ‘લાયન્સ ક્લબ ઓફ મોરબી – નઝરબાગ’, ‘એડન ગાર્ડન’ અને ‘એચડીએફસી બેંક – મોરબી’ ના સૌજન્યથી કરવામાં આવ્યું છે. આયોજકો દ્વારા મોરબીની રક્તદાતા જનતાને આ કેમ્પમાં બહોળી સંખ્યામાં ઉપસ્થિત રહી રક્તદાન કરવા માટે અપીલ કરવામાં આવી છે.