માં ભગવતી ની ઉપાસના સાધના નું આજે પાંચમુ નોરતું. નવરાત્રિના પાંચમા દિવસે માતા સ્કંદમાતાની પૂજા કરવામાં આવે છે. માતાજીનું આ સ્વરૂપ માતૃત્વ, પ્રેમ અને વાત્સલ્યનું પ્રતીક છે, અને તેમને સમર્પિત આ દિવસનું શાસ્ત્રોક્ત મહત્વ :
માતા સ્કંદમાતાનું સ્વરૂપ અને મહત્વ:
‘સ્કંદ‘ એટલે ભગવાન કાર્તિકેય (ભગવાન શિવ અને માતા પાર્વતીના પુત્ર) અને ‘માતા‘ એટલે માતા. માતા સ્કંદમાતા એ ભગવાન સ્કંદની માતા છે. તેઓ સિંહ પર બિરાજમાન છે અને તેમના ખોળામાં બાળક સ્કંદ બિરાજમાન છે. આ સ્વરૂપ સંતાનો પ્રત્યેના નિસ્વાર્થ પ્રેમ અને વાત્સલ્યનું સર્વોચ્ચ ઉદાહરણ છે.
શક્તિ અને સૌંદર્ય: તેમનો વર્ણ શુભ્ર છે અને તેમના ચાર હાથ છે. તેમના બે હાથમાં કમળનું ફૂલ હોય છે, જ્યારે એક હાથથી તેઓ બાળક સ્કંદને પકડ્યા છે અને બીજો હાથ ભક્તોને આશીર્વાદ આપવાની મુદ્રામાં છે.
પાંચમા નોરતાની પૂજાનું ફળ
સ્કંદમાતાની પૂજા કરવાથી સંતાન સુખની પ્રાપ્તિમાટે જે દંપતીઓને સંતાન પ્રાપ્તિની ઈચ્છા હોય, તેમના માટે આ દિવસની પૂજા અત્યંત ફળદાયી માનવામાં આવે છે.
શાંતિ અને સિદ્ધિ: આ દિવસે માતાજીની પૂજા કરવાથી ભક્તોને ભૌતિક સુખની સાથે-સાથે આધ્યાત્મિક શાંતિ અને સિદ્ધિઓ પણ પ્રાપ્ત થાય છે.
ભય અને દુઃખમાંથી મુક્તિ: સ્કંદમાતા તેમના બાળકનું રક્ષણ કરે છે, તેવી જ રીતે તેઓ પોતાના ભક્તોને પણ તમામ દુઃખો, સંકટો અને ભયમાંથી મુક્ત કરે છે.
સ્કંદમાતાની પૂજાથી ભક્તના મુખ પર દિવ્ય તેજ આવે છે અને તેજસ્વીતા વધે છે.
આ દિવસે માતાજીને કેળાનો ભોગ ધરાવવો શુભ માનવામાં આવે છે, કારણ કે કેળાને દેવગુરુ બૃહસ્પતિ (ગુરુ ગ્રહ) સાથે સંબંધિત માનવામાં આવે છે, જે સંતાન અને સુખના કારક છે.
ભાગવતાચાર્ય
શાસ્ત્રીજી શ્રી કૃષ્ણચંદ્ર ડી.દવે
મહાવીર નગર સોસાયટી
સામાકાંઠે ગજાનન મોરબી -૨
મો.80009 11444