મોરબી લોકલ ક્રાઈમ બ્રાંચે શનિવારે રૂપિયા ૨૦૦૦,૫૦૦ અને ૧૦૦ ના દરની ૫.૨૫ લાખની નકલી નોટ સાથે ઝડપાયેલા ચારેય આરોપીઓના મોરબી કોર્ટેમાં દસ દિવસના રિમાન્ડ સાથે રજુ કરતા ચાર દિવસના રિમાન્ડ મંજુર કર્યા છે.
બનાવની મળતી વિગત મુજબ મોરબી લોકલ ક્રાઈમ બ્રાંચે શનિવારે રૂપિયા ૫.૨૫ લાખની નકલી ચલણી નોટો સાથે કચ્છના ગોવિંદ હરજી મહેશ્વરી, મોરબીના હર્ષદ રજનીકાંત દિવાણી, મયુર હરિપ્રસાદ નિમાવત અને હળવદના ઇમરાન કરીમ સંઘવાણીને ઝડપી લીધા હતા. આ કેસની તપાસ એસ.ઓ.જીને પી.આઈ.સાટી ને પૂછતા તેમેણે જણાવ્યુ હતું કે ચારેય એક મેકના મિત્રો છે. આ ચારેય શખ્સોને ગાંધીનગરના કોઈ શખ્સે રૂપિયા પાંચ લાખમાં એવા ચશ્મા આપવાનું કહ્યું હતું કે જે પહેરવાથી લોકો નિવસ્ત્ર દેખાય, આ ચમત્કારી ચશ્માંની લાલચમાં ચારેય લોકોએ દેણું કરી પાંચ લાખના ખર્ચે ચશ્માં ખરીદ કર્યા હતા પરંતુ એ ચશ્મા સાદા નીકળતા છેતરાયનો અહેસાસ થયો હતો. બાદમાં દેણામાંથી બહાર નીકળવા નકલી નોટ છાપવાનો બનાવનો વિચાર આવતા કચ્છમાં સ્ટુડિયો ધરાવતા ગોવિંદ મહેશ્વરીના સ્ટુડિઓમાં કલર પ્રિન્ટરમાં નોટો છાપી પોતાના સાગરીતોને નોટો બજારમાં ફરતી કરવા આપી દેતો હતો. આરોપીઓને કોર્ટમાં રજુ કરી અને દસ દિવસના રિમાન્ડ ની માગ કરવામાં આવી હતી જેમાં કોર્ટે ચાર દિવસના રિમાન્ડ મંજુર કર્યા છે અને એસ.ઓ.જીની એક ટિમ આરોપીને સાથે લઇ કચ્છ તાપસ માટે રવાના થઇ છે.
