પાટીદાર અનામત આંદોલનના કન્વીનર હાર્દિક પટેલ દિવાળી બાદ એક બાદ એક સ્થળે સભા અને રોડ શો કરી રહ્યા છે જેમાં આજે લોખંડી પુરુષ અને અખંડ ભારતના શિલ્પી એવા સરદાર પટેલની જન્મજયંતી નિમિતે એક શામ સરદાર કે નામ કાર્યક્રમ યોજાનાર છે જેમાં હાર્દિક પટેલ સહિતના પાસ આગેવાનો હાજરી આપશે.
મોરબીના સુપર માર્કેટ નજીક એક શામ સરદાર કે નામ કાર્યક્રમનું આયોજન કરવામાં આવ્યું છે જેમાં પાસના આગેવાન હાર્દિક પટેલ ઉપરાંત અન્ય જીલ્લાના પાસ કન્વીનરો, મોરબી પાસ આગેવાન મનોજ પનારા, મનોજ કાલરીયા, સંજય અલગારી સહિતના ઉપસ્થિત રહેશે. સાંજે સમારોહ શરુ કરવામાં આવશે જેમાં દેશ ભક્તિના ગીતો ગુંજશે અને મોડી સાંજના હાર્દિક પટેલ મોરબી આવી પહોંચશે જ્યાં તે સભાને સંબોધન કરશે તે ઉપરાંત દેશભક્તિના ગીતો પર નૃત્ય પણ રજુ કરવામાં આવશે.
