મોરબીના રવાપર રોડ પર બુધવારે રાત્રીના સમયે યુવાન પર છરીનો ઘા ઝીંકી દઈને તેને ગંભીર ઈજા પહોંચાડવામાં આવી હોય જે યુવાનનું મોત થયા બાદ હત્યાનો ગુન્હો નોંધાયો હતો અને પોલીસે સગીર વયના આરોપીની તેના ઘર નજીકથી અટકાયત કરી છે
મોરબીના કાલિકા પ્લોટ વિસ્તારના રહેવાસી રાહુલ અશ્વિનભાઈ ભોજક (ઉ.વ.૨૦) નામનો યુવાન પોતાના ઘરેથી નાસ્તો કરવા બહાર નીકળ્યો હતો અને પોતાના ઘર નજીકની શેરીમાં બાઈક પર બેઠો હોય ત્યારે એક શખ્શે આવી તેને છરીનો ઘા ઝીંકી દેતા સારવાર મળે તે પૂર્વે યુવાનનું મોત થયું હતું જે બનાવ સંદર્ભે મૃતક યુવાનની માતા ભારતીબેન આશ્વીનભાઈ ભોજકે એ ડીવીઝન પોલીસ મથકમાં ફરિયાદ નોંધાવી છે કે જેમાં કાલિકા પ્લોટ વિસ્તારનો જ રહેવાસી ૧૭ વર્ષના સગીર આરોપીએ છરીનો ઘા ઝીંકી હત્યા નીપજાવી હોવાનું જણાવ્યું છે અને મૃતક યુવાનને આરોપીની પિતરાઈ બહેન સાથે પ્રેમ સંબંધ હોય જે બાબતે અગાઉ પણ ઝઘડો થયો હતો
તો બુધવારે રાત્રીના સમયે યુવાન બેઠો હોય જ્યાં આવીને આરોપીએ છરીનો ઘા ઝીંકી હત્યા નીપજાવી હતી જે હત્યાની ફરિયાદ બાદ એ ડીવીઝન પોલીસે તપાસ ચલાવી હતી અને સગીર વયના આરોપીને કાલિકા પ્લોટ વિસ્તારમાં તેના ઘર નજીકથી દબોચી લેવામાં આવ્યો છે અને હત્યામાં વપરાયેલી છરી કબજે લેવાઈ છે તો આરોપી સગીર વયનો હોવાથી તેને રાજકોટ સ્પેશ્યલ હોમ ફોર બોયઝ ખાતે મોકલી દેવામાં આવશે તેવી માહિતી પોલીસના સુત્રોમાંથી પ્રાપ્ત થઇ છે
