મોરબી પંથક તસ્કરો માટે રેઢું પડ હોય તેમ અનેક વખત તસ્કરો તરખાટ મચાવતા હોય છે વાહનચોરી અને ઘરફોડ ચોરી સામાન્ય બની ગઈ હોય તેમ ગત રાત્રીના તસ્કર ટોળકીએ તરખાટ મચાવીને નીચી માંડલ ગામ નજીકના કોમ્પ્લેક્ષમાં આવેલી નવથી દસ દુકાનોમાંથી ચોરી કરી નાસી ગયા છે
મોરબીના નીચી માંડલ ગામ નજીક આવેલા કોમ્પ્લેક્ષની નવથી દસ દુકાનમાં તસ્કરોએ તાળા તોડ્યા હતા અને આ દુકાનોમાં હાથફેરો કરવામાં આવ્યો હતો જેમાં કોમ્પ્લેક્ષમાં આવેલી મોબાઈલ દુકાનો,કરીયાણા અને હોઝીયરી સહિતની દુકાનોમાં તસ્કરોએ હાથફેરો કર્યો હતો જેમાં કરીયાણા દુકાનમાંથી પરચુરણ હાથ લાગી હતી તો મોબાઈલ સહિતની દુકાનોમાંથી તસ્કરો હાથફેરો કરી ગયા છે જોકે બનાવ અંગે સત્તાવાર ફરિયાદ નોંધાઈ નથી તાલુકા પોલીસને જાણ કરવામાં આવતા પીએસઆઈ રાણા સહિતનો સ્ટાફ દોડી ગયો હતો અને બનાવની વધુ તપાસ હાથ ધરી છે
