Billboard ad 1150*250

મોરબીમાં તસ્કરોનો હાહાકાર, મકાન અને ટાયરની દુકાનમાંથી ૨૦ લાખની મત્તા ચોરાઈ

0 337
Post ad 1

તમારી મનપસંદ મોરબીન્યુઝ એપ્લીકેશન ડાઉનલોડ કરવા નીચેની લીંક પર ક્લિક કરો 

https://play.google.com/store/apps/details?id=com.encircle.android.morbinews

મહેન્દ્રપરાના મકાન અને ટીંબડી પાટિયા પાસેની દુકાન તસ્કરોના નિશાને આવી

પોલીસે રાબેતા મુજબ તપાસના ઘોડા દોડાવ્યા, તસ્કરો હાથ લાગશે ખરા ?

Post ad 2

        મોરબી પંથકમાં તસ્કરો બેફામ બની ગયા હોય તેમ એક બાદ એક ચોરીની ઘટનાને અંજામ આપી રહ્યા છે ગઈકાલે હજુ ટ્રેક્ટર ચોરીની ફરિયાદની શાહી હજુ સુકાઈ નથી ત્યારે મોરબીમાં વધુ બેં સ્થળે ચોરીના બનાવો બન્યા છે અને તસ્કરોનો હાહાકાર જોવા મળી રહ્યો છે

        મોરબીના મહેન્દ્રપરા વિસ્તારમાં તસ્કરોએ મોડી રાત્રીના ઘરમાં પ્રવેશ કરીને લાખોની મત્તાની ચોરી કરી છે જેમાં ફરિયાદી હિતેશકુમાર ભીખુભા જાડેજા રહે મહેન્દ્રપરા મોરબી વાળા જે રાજકોટ ડીવીઝન વર્કશોપ એસટી વિભાગમાં નોકરી કરે છે તેને પોલીસ ફરિયાદમાં જણાવ્યું છે કે તા. ૦૮ ના રાત્રીના તે પરિવાર સાથે કચ્છથી પરત આવ્યા બાદ તેનો દીકરો રાજવીર ફિલ્મ જોવા જવાનું કહીને ગયો હતો અને રાત્રીના ૧૧ વાગ્યાના સુમારે પતિ પત્ની ઘરે હોય જે સુઈ ગયા હતા અને બાદ મોડી રાત્રીના એકાદ વાગ્યે પુત્ર ઘરે પરત ફરતા ઘરમાં ફરિયાદી અને તેના પત્ની સુતા હતા અને ઘરમાં ચોરી થયાનું માલૂમ પડતા પુત્રે માતાપિતાને જગાડ્યા હતા અને તપાસ કરતા ઘરમાંથી સોનાના સાંકળા કીમત રૂ ૯૦ હજાર, સોનાનો સેટ કીમત રૂ ૯૦ હજાર, સોનાની લગડી કીમત રૂ ૧.૨૦ લાખ, પેન્ડલ સેટ કીમત રૂ ૬૦,૦૦૦ સોનાની માળા કી. ૬૦,૦૦૦ તેમજ અન્ય સોનાના દાગીના અને ચાંદીના ૧૫-૨૦ સિક્કા અને રોકડ રકમ રૂ ૨૪,૦૦૦ અને એમઆઈ કંપનીનો મોબાઈલ સહીત કુલ રૂ ૫,૫૬,૦૦૦ ની મત્તા ચોરી થયાની ફરિયાદ નોંધાવી છે

ટીંબડી પાટિયા નજીક ટાયર દુકાનમાંથી લાખોની ચોરી

        મોરબીના મહેન્દ્રપરા વિસ્તારમાં તસ્કરોનો આતંક જોવા મળ્યો હતો તો સાથે ગત રાત્રીના સમયે મોરબીના ટીંબડી પાટિયા પાસે પણ તસ્કરો ત્રાટક્યા હતા અને અહી આવેલી વચ્છરાજ ટાયર નામની દુકાનને નિશાન બનાવી હતી મૂળ પોરબંદરના રહેવાસી અને હાલ પાટીદાર ટાઉનશીપમાં રહેતા રમેશભાઈ ઉર્ફે કાનાભાઈ માલદેભાઈ ગોઢાંણીયાની ટાયરની દુકાનમાંથી તસ્કરો ૬૫ થી વધુ નવા કંપનીના ટાયર ચોરી કરી ગયા છે જેની કીમત ૧૫ લાખ જેટલી થવા જાય છે તો ટાયર જેવા મસમોટા મુદામાલની ચોરીના બનાવની જાણ થતા તાલુકા પીએસઆઈ એમ વી પટેલ સહિતની ટીમે સ્થળ પર મુલાકાત કરીને ચોરીના બનાવની ફરિયાદ નોંધવા તજવીજ હાથ ધરી છે તો મોરબી પંથકમાં એક જ રાત્રીમાં બે ચોરીના બનાવથી પોલીસની કામગીરી સામે પણ સવાલો ઉપસ્થિત થાય છે

Post ad 3
Comments
Loading...
Share This
WhatsApp chat