Billboard ad 1150*250 Billboard ad 1150*250

મોરબીમાં પેટા ચુંટણીની મતગણતરીમાં બેદરકારી બદલ પોલીસકર્મી સસ્પેન્ડ

મત ગણતરી સમયે સ્ટ્રોંગ રૂમની ચાવી લઇ ગુમ થયા બાદ કાર્યવાહી

મોરબી નગરપાલિકાની એક બેઠકની પેટા ચુંટણી તાજેતરમાં સંપન્ન થઇ છે જે ચુંટણીની મત ગણતરી સમયે સ્ટ્રોંગરૂમની ચાવી લઈને ગુમ થયેલા બેજવાબદાર પોલીસકર્મીને સસ્પેન્ડ કરવામાં આવ્યો છે જયારે અન્ય ત્રણના પગાર અને ઇજાફા કાપી લેવા આદેશ ફરમાવ્યો છે

મોરબી નગરપાલિકાની પેટા ચુંટણીના મત ગણતરી વેળાએ ઈવીએમના સ્ટ્રોંગરૂમની ચાવીની જવાબદારી સોપવામાં આવી હતી તે જવાબદાર પોલીસકર્મી પ્રવીણ ચંદ્રાલા સ્થળ પર હાજર ના હતો અને મત ગણતરી માટેનો સમય થયો હોવા છતાં તે ઉપસ્થિત ના હોય તેમજ તેને ફોન કરતા પણ સંપર્ક થઇ શક્યો ના હતો જેથી ચુંટણીની ફરજમાં બેદરકારી દાખવવા બદલ ચુંટણી અધિકારીએ જીલ્લા એસપીને રીપોર્ટ કર્યો હતો અને જે રીપોર્ટને પગલે જીલ્લા એસપી દ્વારા પોલીસકર્મી પ્રવીણ ચંદ્રાલાને સસ્પેન્ડ કરવામાં આવ્યા છે તેમજ અન્ય ત્રણ પોલીસકર્મીઓના પગાર કાપી લેવાની કાર્યવાહી કરવામાં આવી છે

Comments
Loading...
WhatsApp chat