હળવદ ઘ્રાગંઘ્રા હાઇવે પર ટ્રક બન્યો યમદૂત, ટ્રેકટર પાછળ અથડાતા 1નું મોત, 2 ઈજાગ્રસ્ત

હળવદ ઘ્રાગંઘ્રા હાઇવે પર ટ્રક ચાલકની બેફામ ગતિની વધુ એક ઘટના સામે આવી છે. જ્યાં ટ્રેકટર પાછળ ટ્રક અથડાતા 1 યુવકનું મોત થયું છે. જયારે 2 લોકો ઈજાગ્રસ્ત થયા છે.

આ અંગેની પ્રાપ્ત વિગતો અનુસાર હળવદના ઢવાણા ગામે રહેતા ફરિયાદી લખમણભાઇ જીવણભાઇ મુંધવા એ હળવદ પોલીસમાં ફરિયાદ નોંધાવી છે કે તે છેલાભાઇ, પ્રવિણભાઇ તથા ગટુરભાઇ હળવદ ઘ્રાગંઘ્રા હાઇવે રોડ પર હળવદ સર્કીટ હાઉસ સામેથી ટ્રેકટર જીજે ૩૬ બી ૦૩૧૨ લઈને પસાર થઈ રહ્યા હતા. એ સમયે આરોપી ટ્રક ટ્રેલર નંબર એમએચ-૪૬-બીએફ-૬૬૯૫ ના ચાલકે પોતાના હવાળાવાળો ટ્રક ટ્રેલર પુરઝડપે ગફલતભરી રીતે અને બેફીકરાઇથી માણસોની ઝીદંગી જોખમાય તેમ ચલાવી આગળ જતા લખમણભાઇના ટ્રેકટર નં જીજે-૩૬-બી-૦૩૧૨ વાળા સાથે પાછળ અથડાતા છેલાભાઇના કમરના ભાગે ટાયરનો જોટો ફરી વળતા પેટથી કમરનો ભાગ અલગ થઈ જતા તેમનું કમકમાટી થયું હતું. જયારે
પ્રવિણભાઇ તથા ગટુરભાઇને સામાન્ય ઇજાઓ થઈ હતી. આ અકમસાત સર્જી આરોપી ટ્રક ચાલક ફરાર થઈ ગયો હતો.

હાલ હળવદ પોલીસે આઇ.પી.સી કલમ ૨૭૯,૩૩૭,,૩૦૪(અ) તથા એમ.વી.એકટ કલમ ૧૭૭,૧૮૪ મુજબ ગુનો નોંધી કાયદેસરની કાર્યવાહી હાથ ધરી છે.

Comments
Loading...
WhatsApp chat