Billboard ad 1150*250

પીપળીયા ખાતેના સેવાસેતુ કાર્યક્રમ યોજાયો

0 454

રાજ્ય સરકાર પારદર્શક,સંવેદનશીલ વહીવટ તંત્ર ને વેગવંતુ બનાવી લોકોના વ્યક્તિગત પ્રશ્નોના અધિકારીશ્રી ઓની ઉપસ્થિતીમાં ઘર આગણેજ નિરાકરણ આવે તેવા હેતુ સાથે સરકારએ આ સેવાસેતુ કાર્યક્રમનું આયોજન કરેલ છે તેમ મોરબી જિલ્લાના મોરબી તાલુકાના પીપળીયા ગામે યોજાયેલ સેવાસેતુ કાર્યક્રમમાં મોરબી જિલ્લા કલેક્ટરશ્રી આઈ.કે.પટેલ જાણાવ્યું હતું .

આ તકે કલેક્ટરશ્રીએ ઉપસ્થિત ગ્રામ જનાને તેમના પ્રશ્નો માટે તાલુકા કે જિલ્લા મથકે જવુ ન પડે તેમજ રોજી ન પડે તે માટે સ્થળ ઉપર પ્રશ્નોના નિકાલ થાય તે માટે હજુ કોઈ વંચીત હોય તો તેઓ આ બીજા તબ્બકાના કાર્યક્રમનો લાભ લેવા જણાવ્યું હતું

વધુમાં કલેક્ટરશ્રીએ હાલમા ચાલતા જમીન માપણી તેમજ મતદાન નોંધણી અંગેની વિગતો વિસ્તૃત છણાવટ થી ગ્રામજનો ને સમજાવી હતી

આ કાર્યક્રમમાં ઉપસ્થિત જિલ્લા વિકાસ અધિકારીશ્રી એસ.એમ.ખટાણાએ ઉપસ્થિત અરજદારોને તેમના પ્રશ્નો નિકાલ સાથે સરકારશ્રીની નવી નવી યોજનાઓની માહિતી અંગે જાણકારી પણ મેળવવા જણાવ્યું હતું

પીપળીયા ખાતે યોજાયેલ આ સેવાસેતુ કાર્યક્રમમાં ૫૧૪૫ કુલ પ્રશ્નો રજુ થયા હતા જેમાં લોકોની વ્યક્તિગત અરજીઓમા મા કાર્ડ, આધાર કાર્ડ, ઉજાલા યોજના,ઉજ્જવલા યોજના, જાતિ-આવકના દાખલા, રેશનકાર્ડ સહિતીની અરજીઓ  નો સમાવેશ થયો હતો જેનો સ્થળ ઉપરજ હકારાત્મક ઉકેલ લવાયો હતો

પીપળીયા ખાતે યોજાયેલ આ સેવાસેતુ કાર્યક્રમમાં ખાખરાળા, જેપુર, વનાળીયા, નારણકા, માનસર, પીપળીયા, ગોરખીજડીયા ગામોના લોકોની અરજીઓનો સમાવેશ કરવામાં આવ્યો હતો

આ કાર્યક્રમમાં અધિક કલેક્ટરશ્રી પી.જી.પટેલ, મામલતદારશ્રી કૈલા, તાલુકા વિકાસ અધિકારશ્રી રાઠોડ, ફોરેસ્ટ વિભાગના ગોગરા, ડૉ.બાવરવા સહિત રેવન્યુ, પંચાયત, આરોગ્ય, ફોરેસ્ટ સ્ટાફ ઉપસ્થિત રહ્યો હતો.

 

 

Vinayak Honda Morbi festive Offer
Comments
Loading...
WhatsApp chat