મોરબી પાલિકામાં ભાજપ પાસે ૨૬ અને કોંગ્રસ પાસે ૨૫ સભ્યોના સંખ્યાબળ સાથે યોજાઈ રહેલી એકમાત્ર પેટા ચુંટણીમાં જીત મેળવવી બંને પક્ષો માટે જરૂરી હોય ત્યારે આજે વોર્ડ નં ૦૨ ની એક બેઠકની પેટા ચુંટણી માટે સવારથી શરુ થયેલા મતદાનમાં મતદારોએ નીરસતા દાખવી હતી અને સવારે ૮ થી ૧૦ એમ પ્રથમ બે કલાકમાં માત્ર છ ટકા જ મતદાન નોંધાયું હતું
તો સાંજે ૫ સુધીમાં માત્ર ૩૧.૮૧ ટકા જ મતદાન નોંધાયું છે જેમાં ૧૫૫૭૬ કુલ મતદારો પૈકી ૨૫૯૨ પુરુષ અને ૨૩૬૩ સ્ત્રીઓએ મતદાન કરતા ૩૧.૮૧ ત ક મતદાન નોંધાયું છે આજે રજાના દિવસે પણ મતદાનની ટકાવારી ઓછી રહેતા જીતના દાવા કરનાર ભાજપ અને કોંગ્રેસના આગેવાનો પણ મૂંઝાયા છે અને મતદારો કોના પર પસંદગીનો કળશ ધોળે છે તે મંગળવારે જ નક્કી થશે
અમરેલી ગ્રામજનોએ કર્યો મતદાનનો બહિષ્કાર
મોરબીના અમરેલી ગામને પાલિકામાં સમાવવાના નિર્ણયનો અગાઉ જ ગ્રામજનો વિરોધ કરી ચુક્યા હતા છતાં મતદાન યોજાતા આજે અમરેલી ગામના તમામ ૭૨૯ મતદારો મતદાનથી અળગા રહી વિરોધ નોંધાવ્યો હતો તો તંત્ર પાસેથી મળતી માહિતી મુજબ ગ્રામ પંચાયત માટેની પ્રક્રિયા ચાલતી હોય અને ચુંટણી યોજવાની હોવાથી હાલ ગ્રામજનોએ મતદાન કરવાનું રહે છે જોકે ગ્રામજનોએ મતદાનમાં ભાગ લીધો ના હતો
