મોરબી એલસીબી ટીમે પેટ્રોલિંગ દરમિયાન વાંકાનેર પંથકમાં લૂંટના ગુન્હામાં નાસતા ફરતા આરોપીને ઝડપી લઈને ધોરણસરની કાર્યવાહી હાથ ધરી છે
મોરબી જિલ્લા પોલીસવડા ડો. કરનરાજ વાઘેલાના માર્ગદર્શન હેઠળ એલસીબી પી.આઈ. આર ટી વ્યાસને નાસતા ફરતા આરોપીને ઝડપી લેવા મળેલી સૂચના અને માર્ગદર્શનને પગલે એલસીબી ટીમ પેટ્રોલિંગમાં હોય દરમિયાન વાકનેર લૂંટના ગુન્હામાં નાસતા ફરતા આરોપી અંગે બાતમી મળતા વોચ ગોઠવી હતી
એલસીબી ટીમના ભગીરથસિંહ ઝાલા અને નીરવભાઈ મકવાણાને મળેલી બાતમીને આધારે વાંકાનેર તાલુકા પોલીસ મથકમાં લૂંટના ગુન્હામાં છ માસથી નાસતો ફરતો આરોપી સોયેબ ઉર્ફે સૉયલો ઈમ્તિયાઝ ચૌહાણ સિપાઈ રહે. રામનાથપરા શેરી નું 14 રાજકોટ વાળને ત્રાજપર ચોકડી નજીકથી ઝડપી લેવામાં સફળતા મળી છે
