મોરબીનાં જુના બસ સ્ટેન્ડ પાછળ લાતી પ્લોટ નજીકના વિસ્તારમાં થયેલી જૂથ અથડામણ મામલે એ ડીવીઝન પોલીસે પાંચ આરોપીની અટકાયત કરી છે તેમજ અન્ય આરોપીને ઝડપી લેવા કવાયત આદરી છે
મોરબીના જુના બસ સ્ટેન્ડ પાછળના વિસ્તારમાં બઘડાટી બોલી હતી જેમાં ફરિયાદી યુસુફ વલીમાંમદ નોતીયાર રહે ઘાંચી શેરી વાળાએ ફરિયાદ નોંધાવી છે કે આરોપી હુશેન સીદીક, જુસબ હુશેન, સલીમ ગુલાં, સિકંદર ગુલાં, ઇમરાન હુશેન, ટીકુ ગુલાં, હુશેન તેમજ હાજીભાઇના ત્રણ દીકરા અને અન્ય છ માણસોએ આરોપોના ભાઈના દીકરા સાથે સામું જોવા બાબતે બોલાચાલી થઇ હતી જેમાં આરોપીઓએ પથ્થરો અને કાચની બોટલના છુટા ઘા કરી ઈજા પહોંચાડી છે
તો સામાપક્ષે સબીર જુસબ હુશેન જોન્સનગર વાળાએ સામી ફરિયાદ નોંધાવી છે જેમાં જુસબ હુશેન ગુલામ, હનીફ હુશેન, અબ્દુલ હબીબ, હબીબ બાબા, અનવર દિલાવર, અસ્લમ મહેબુબ અને ઇમરાન તેમજ અન્ય ૧૦ થી ૧૫ અજાણ્યા ઈસમો બોલાચાલી થતા તેનો ખર રાખી મારામારી કરી ઈજા પહોંચાડી છે તો આ બનાવમાં બે થી ત્રણ વ્યક્તિને ઈજા પહોંચી છે જયારે બે વાહનોમાં પણ નુકશાની થવા પામી હતી
જે બનાવ મામલે પોલીસે સામસામી ફરિયાદ નોંધી તપાસ ચલાવી હતી અને આરોપી જુસબ ગુલામ મોવર, અબ્દુલ હબીબ ભટ્ટી, અનવર દિલાવર મોવર, અશરફ અને ઇમરાન દિલાવર મોવર એમ પાંચને ઝડપી લીધા છે
