Billboard ad 1150*250

મોરબી : ગુનેગારોની હવે ખેર નથી, પોલીસ પાસે આવી ગયું આધુનિક હથિયાર, જુઓ સ્પેશ્યલ વિડીયો સ્ટોરી….

0 1,023
Post ad 1

તમારી મનપસંદ મોરબીન્યુઝ એપ્લીકેશન ડાઉનલોડ કરવા નીચેની લીંક પર ક્લિક કરો 

https://play.google.com/store/apps/details?id=com.encircle.android.morbinews

        આજની એકવીસમી સદી જ્ઞાન અને ટેકનોલોજીની સદી કહેવાય છે આજે વ્યક્તિ પોતાના ગામ કે શહેર પુરતો સીમિત ના રહીને વિશ્વ નાગરિક બન્યો છે ટેકનોલોજીએ દુનિયાને નાની બનાવી દીધી છે જોકે ટેકનોલોજી અને વિજ્ઞાનના વિકાસ સાથે ગુન્હાખોરીમાં પણ વધારો થયો છે ગુનેગારો વિવિધ ટેકનોલોજીનો ઉપયોગ કરીને ગુન્હાખોરીને અંજામ આપે છે અથવા તો પોલીસ પકડથી બચવા ઉપયોગ કરતા હોય છે ત્યારે હવે ગુનેગારોને પકડવા પોલીસ પણ હાઈટેક બની રહી છે અને ટેકનોલોજીનો સદુપયોગ કરાઈ રહ્યો છે  

Post ad 2
Post ad 3

        મોરબી જીલ્લા પોલીસ હાઈટેક બની ગઈ છે અને પોલીસે ત્રી નેત્ર એપ્લીકેશન બનાવી તેનો ઉપયોગ શરુ કર્યો છે જે એપ્લીકેશનની મદદથી હવે પોલીસ હાઈટેક બની ગઈ છે અને ગુનેગારોને ઝડપી લેવા સરળ બનશે કારણકે આ એપ્લીકેશન માં તમામ ગુનેગારોના લીસ્ટ અને તેના ગુનાહિત ઈતિહાસ પોલીસને આંગળીના ટેરવે મળી રહેશે એટલું જ નહિ પરંતુ લોકેશન નાખતા જ નજીકમાં રહેતા અગાઉ ઝડપાયેલા અને પોલીસ ચોપડે ચડેલા ગુનેગારોનું લીસ્ટ આવી જશે અને મોરબી જીલ્લામાં ફરજ બજાવતા ૨૪૦ પોલીસ અધિકારી અને કર્મચારીઓના મોબાઈલમાં એપ્લીકેશન ઇન્સ્ટોલ કરી દેવામાં આવી છે

        મોરબી જીલ્લા પોલીસના હાઈટેક અભિયાન અંગે જીલ્લા પોલીસવડા ડો. કરનરાજ વાઘેલા ખાસ વાતચીતમાં જણાવે છે કે એપ્લીકેશન કેવી રીતે પોલીસને ઉપયોગી અને મદદરૂપ બનશે તેનું ઉદાહરણ આપતા જણાવે છે કે એપ્લીકેશનમાં બુટલેગરો, ગુનેગારો, ઉપરાંત લાયસન્સધારકના નામોનું લીસ્ટ પણ ઉપલબ્ધ રહેશે જેથી જે તે સ્થળે બનેલ ગુન્હામાં કોની સંડોવણી હોઈ સકે તેની પ્રાથમિક માહિતી સમયસર મળી રહે બાદમાં પોલીસ માટે ગુન્હાનો ભેદ ઉકેલવો મુશ્કેલ રહેતો નથી હથિયારધારકના નામોની પણ સૂચી મળી રહે જેથી ગેરકાયદેસર હથિયારની હેરાફેરી રોકવી અને હથિયાર સાથે ઝડપાયેલ ઈસમને ઓળખી કાઢવો પણ સહેલો બની રહે છે જેથી આ એપ્લીકેશન ગુન્હાખોરીને ડામવામાં ૧૦૦ ટકા ઉપયોગી થશે તેમાં શંકાને કોઈ સ્થાન નથી

        આમ અગાઉ મોરબીમાં સ્માર્ટ કેમેરા પ્રોજેક્ટથી પણ પોલીસને જે તે ગુન્હા બન્યા બાદ ગુનેગારો સુધી પહોંચવું સરળ બની રહ્યું છે તો હવે ત્રિનેત્ર એપ્લીકેશનથી મોરબી પોલીસ હાઈટેક બની ગઈ છે અને ટેકનોલોજીનો ઉપયોગ માત્ર ગુનેગારો જ કરી જાણે છે તેવું નથી તેમ પણ મોરબી પોલીસે કરી બતાવ્યું છે તાજેતરમાં રાજ્યના મુખ્યમંત્રી અને ગૃહમંત્રીની ઉપસ્થિતિમાં એપ્લીકેશન લોન્ચ કરાઈ હતી અને મોરબી પોલીસે તેનો સદુપયોગ કરવાની પણ શુભ શરૂઆત કરી દીધી છે

Post ad 4
Comments
Loading...
Share This
WhatsApp chat