Billboard ad 1150*250 Billboard ad 1150*250

બીએસએનએલના બે અધિકારીઓ 30 હજારની લાંચ લેતા રંગે હાથ ઝડપાયા .

મોરબી એસીબીએ વર્ગ 2ના સરકારી બાબુને ટ્રેપ કરી ઝડપી લીધા

સરકારી તંત્રને ખોખલું કરી ઘર ભરતા અધિકારીઓ પોલીસના હાથમાં આવ્યા છે.  વિગત મુજબ ગાંધીધામ ખાતે બીએસએનએલની સબ ડિવિઝન એન્જીનીયર કચેરીમાં વર્ગ 2ના અધિકારી તરીકે ફરજ બજાવતા જગદીશ ગોપાલદાસ ભમભાની( ઉ.વ.51) અને અનિલ ચતુરલાલ નેહલાણી ( ઉ.વ. 51)એ મોબાઈલ ટાવરના કામની ફાઇલ આગળ વધારવા માટે 20 હજાર અને 10 હજારની માંગ કરી હતી. ફરિયાદીએ ટેન્ડર મુજબ કામ કરી દીધું હોવા છતાં સિક્યુરિટી ડિપોઝીટના પૈસા આપવાની ફાઇલ સરકારી બાબુઓ વધારતા ન હતા. આ બાબતે ફરિયાદીએ મોરબી એન્ટી કરપશન બ્યુરોને ફરિયાદ કરી હતી. મોરબી એસીબીના પીઆઇ આર.વાય.રાવલ સહિતના સ્ટાફે ગાંધીધામ ખાતે ટાગોર રોડ પર આવેલી બીએસએનએલ ઓફિસમાં ટ્રેપ ગોઠવી રાખ્યું હતું. બપોરના 1 વાગ્યાના સુમારે બંને અધિકારીઓ રંગેહાથ લાંચ લેતા ઝડપાઇ જતા પોલીસે આગળની કાર્યવાહી હાથ ધરી છે.

Comments
Loading...
WhatsApp chat