મોરબી જીલ્લા પોલીસવડા જયપાલસિંહ રાઠોડના માર્ગદર્શન હેઠળ એલસીબી ટીમના ઇન્ચાર્જ પી.આઈ. આર.ટી. વ્યાસને મળેલી ખાનગી બાતમીને આધારે એલસીબી ટીમે વોચ ગોઠવતા માળિયા ફાટક નજીકથી પસાર થતા આરોપી હર્ષદભાઈ રજનીકાન્તભાઈ દીવાણી રહે. વાવડી રોડ મોરબી, ગોવિંદભાઈ હરજીભાઈ મહેશ્વરી રહે. ભારાપર તા. અબડાસા જી ભુજ, મયુર હરિપ્રસાદ નિમાવત રહે. રીલીફનગર મોરબી અને ઇમરાન કરીમ સંધવાણી રહે. જુના દેવળિયા તા. હળવદ વાળાને ઝડપી લઈને તેની પાસે રહેલી ભારતીય બનાવટની જાલી ચલણી નોટો ૨૦૦૦ ના દરની ૧૩૮ નંગ રૂ. ૨,૭૬,૦૦૦ , ૫૦૦ ના દરની નોટ નંગ ૪૮૨ રૂ. ૨,૪૧,૦૦૦ અને ૧૦૦ ના દરની ૮૩ નોટ રૂ. ૮૩૦૦ મળીને કુલ ૭૦૩ નંગ નોટ રૂ. ૫,૨૫,૩૦૦ નો મુદામાલ ઝડપી લેવામાં સફળતા મળી છે. મુખ્ય આરોપો ગોવિંદ હરજી મહેશ્વરીએ જુના દેવળિયા ગામના જયદીપ કૌશિક જોશીને ૧૦૦ ના દરની ૩૮ નોટો આપેલ હોય જેને પકડવાનો બાકી છે. એલસીબી ટીમને પ્રાથમિક તપાસમાં જાણવા મળ્યા મુજબ મુખ્ય આરોપી ગોવિંદ હરજી મહેશ્વરી સ્ટુડિયો સંચાલક હોય જે ચલણી નોટોની ઝેરોક્ષ છાપતા હોય અને કમીશનની લાલચ આપીને અન્યને તે નોટો બજારમાં મુકવા માટે પહોંચતી કરતા હોવાનું જાણવા મળ્યું છે. એલસીબી ટીમે ચારેય આરોપીના રિમાન્ડ મેળવવા તજવીજ આદરી છે તેમજ આ કોભાંડમાં અન્ય કોઈની સંડોવણી છે કે કેમ તે દિશામાં પણ તપાસ ચલાવી છે. તેમજ રેડ દરમિયાન બેંકના અધિકારીને સાથે રાખીને નોટો નકલી હોવાની ખાતરી કરી હતી.
