કન્યા છાત્રાલય રોડ પર મકાનમાં જુગાર રમતા મહિલા સહીત ચાર ઝડપાયા

મોરબી પંથકમાં જુગારીઓ બારેમાસ જુગાર રમતા હોય છે જેમાં આજે ઓમ શાંતિ પાર્કના રહેણાંક મકાનમાં જુગાર અંગે બાતમી મળતા એલસીબી ટીમ ત્રાટકી હતી અને જુગાર રમતા મહિલા સહીત ચારને ઝડપી લઈને ૧.૯૪ લાખની રોકડ જપ્ત કરી છે

મોરબી જીલ્લા પોલીસવડા ડો. કરનરાજ વાઘેલાના માર્ગદર્શન હેઠળ એલસીબી ઇન્ચાર્જ પીઆઈ આર.ટી વ્યાસની ટીમ પેટ્રોલિંગમાં હોય દરમિયાન નીરવ મકવાણાને મળેલી બાતમીને આધારે મોરબીના કન્યા છાત્રાલય રોડ પરના ઓમ શાંતિ પાર્કમાં દરોડો કર્યો હતો

જેમાં આરોપી સુરેશ લાલજીભાઈ ભાટિયાના મકાનમાં દરોડો કરતા જુગાર રમી રહેલા સુરેશ લાલજીભાઈ ભાટિયા, વિનોદ છગનભાઈ આદ્રોજા, મનહરભાઈ સવજીભાઈ ગામી અને મફતાબેન મુકેશભાઈ સંતોકી એમ ચારને ઝડપી લઈને ૧,૯૪,૫૦૦ ની રોકડ જપ્ત કરી ધોરણસરની કાર્યવાહી હાથ ધરી છે