Billboard ad 1150*250

સજીવ ખેતી ક્ષેત્રે ખેડૂતોને રાહચીંધતા માળીયા તાલુકાના ખીરસરા ગામના મહિલા ખેડૂત

0 182
Post ad 1

તમારી મનપસંદ મોરબીન્યુઝ એપ્લીકેશન ડાઉનલોડ કરવા નીચેની લીંક પર ક્લિક કરો 

https://play.google.com/store/apps/details?id=com.encircle.android.morbinews

સજીવખેતી માટે પરિવારજનો સાથે પણ સંઘર્ષ કર્યો હોવાની

દાસ્તાન રજૂ કરતાં અનેકોના પ્રેરક મહિલા ખેડૂત જશુબેન જાપડા

        કહેવાય છે કે સંઘર્ષ કર્યો હોય તે ક્યારેય એળે જતો નથી. અને તેમાંય જો કોઇ મહિલાએ સંઘર્ષ કરીને સમાજને રાહ બતાવી હોય તે ઘટના કંઇક રસપ્રદ જ બની રહે છે. આવી જ એક રસપ્રદ ઘટના એટલે સજીવ ખેતીના પ્રેરક મહિલા ખેડૂત જશુબેન જાપડા.

Post ad 2

        જશુબેન જાપડાનો પરિચય આપીએ તો તેઓ મોરબી જિલ્લાના માળીયા તાલુકાના ખીરસરા ગામના વતની છે. તેઓ ખેતી અને પશુપાલન કરી પોતાનું અને પોતાના પરિવારનું ગુજરાન ચલાવે છે. હવે વાત કરીએ તેમણે પોતાના જીવનમાં કરેલા સંઘર્ષની.

        આમ તો ખેતી અને રાસાયણીક ખાતર બન્ને એકબીજાના પુરક બની ગયા છે ત્યારે રાસાયણીક ખાતરના વિકલ્પ તરીકે સજીવ ખેતી સૌ કોઇને ગળે ઉતરે એવી વાત નથી. પરંતુ જશુબેને તો સંકલ્પ થી સિદ્ધિ તરફ પ્રયાણ કર્યું અને સફળતા મેળવી.

        વાત એમ છે કે લગ્ન કરીને જ્યારે જશુબેન સાસરે આવ્યા ત્યારે સાસરીયામાં જૂની પદ્ધતિ મુજબની ખેતી થતી હતી. ખેતી ક્ષેત્રે પોતાના અનુભવો જણાવતા જશુબેન કહે છે કે શરૂઆતમાં તો અમારો પરિવાર ફક્ત પરંપરાગત ખેતી દ્વારા ધાન્ય પાકોનું વાવેતર કરી ખેતી કરતો હતો અને તેમાં ઝેરી રાસાયણીક ખાતરનો પણ ઉપયોગ કરવામાં આવતો હતો. ત્યારે મે ખેતીની સાથે પશુપાલન કરવા પરિવારજનોને પ્રોત્સાહિત કર્યા પરંતુ તે સમયે મારા પરિવારજનોએ શરૂઆતમાં વિરોધ કર્યો હતો જોકે સમય જતાં તેઓને આ અંગે માહિતગાર કરી જાગૃતિ લાવવામાં સફળતા મળી હતી. ખેતીમાં જે રાસાયણીક દવાઓનો ઉપયોગ થાય છે તેનાથી અનેક પ્રકારની બિમારીઓ થાય છે તે જાણીને ખેતીમાં ઝેરી દવાઓનો ઉપયોગ કરવાને બદલે સજીવ ખેતી તરફ વળવાનું મન બનાવ્યું અને પરિવારજનોને પણ સમજાવ્યા હતા.

સજીવ ખેતી તરફ મન વાળ્યા બાદ પણ અનેક પ્રકારની મુશ્કેલીઓ શરૂઆતના સમયગાળામાં આવી હતી. સતત રાસાયણીક દવાઓના ઉપયોગથી ખેતીની જમીન સજીવ ખેતી લાયક બનાવવા માટે પણ મહેનત કરવી પડી હતી. જશુબેન તેમના હ્રદયની વાત કરતાં કહે છે કે અમારા વિસ્તારમાં ફક્ત ધાન્ય પાકો જ ઉગાડવાની પરંપરા હતી અને તેમાં પણ અત્યાર સુધી ઝેરી દવાઓ નાંખવામાં આવતી હતી. જોકે સજીવ ખેતી અંગે રાજ્ય સરકાર અને સ્વૈચ્છીક સંસ્થાઓ જ્યાં પણ મિટિંગ હોય ત્યાં જઇને માર્ગદર્શન લેતા. શરૂઆતના સમયગાળઆમાં અમે ગામની પાંચ બહેનોએ સજીવ ખેતીનો પાંચ વિઘા જમીનમાં પ્રયોગ શરૂ કર્યો હતો. પ્રયોગ સફળ થતાં સજીવ ખેતી તરફ વળવા માટે વધુ પ્રોત્સાહન મળતું રહ્યું.

સજીવ ખેતીના ફાયદાઓ અંગે જશુબેન જાપડા જણાવે છે કે સજીવ ખેતીમાં રાસાયણીક દવાઓ કરતાં ઓછો ખર્ચો આવે છે. દેશી દવાઓ આપણા સ્થાન પર જ બનાવી શકાય છે તે પ્રકારે માહિતી અને ટ્રેઇનીંગ મળતાં તે અનુસાર ગૌમુત્ર, લસણ, મરચી, ડુંગળી, જરદો, બજર, લીમડો, આંકડો, લીંબોડી જેવી અનેક દેશી ઔષધીઓનો ઉપયોગ કરીને પાક રક્ષણ માટે દવાઓ તૈયાર કરતાં થયા.

રાસાયણીક ખેતીના ગેરફાયદા અને સજીવ ખેતીના ફાયદા જોઇને બીજા ખેડૂતોને પણ સજીવ ખેતી તરફ વાળવા માટે અમે અનેક પ્રયાસો કરી રહ્યા છીએ. સજીવ ખેતીના ફાયદાઓ ખેડૂતો સુધી પહોંચાડવા માટે ફળિયા મિટિંગ પણ કરીએ છીએ. આજે અમારી આસપાસની ૩૦૦ જેટલી બહેનો આજે સજીવ ખેતી કરે છે. જે બહેનોને વિશ્વાસ ન આવે તો તેને થોડી જમીનમાં પ્રયોગ કરવા માટે પણ સમજાવીએ છીએ.  

Post ad 3
Comments
Loading...
Share This
WhatsApp chat