Billboard ad 1150*250 Billboard ad 1150*250

ડોકટર સામે છેડતીની ફરિયાદ મામલે જેતપરની બજારો બંધ

ડોકટર નિર્દોષ હોવાનું અને ફરિયાદ ખોટી હોવાના ગ્રામજનોના આક્ષેપ

મોરબી તાલુકાના જેતપર ગામે સરકારી ડોકટર વિરુદ્ધ જાતીય સતામણીની ફરિયાદ ખોટી હોવાનો આરોપ લગાવી જેતપરના ગ્રામજનો દ્વારા સ્વયંભૂ સજ્જડ બંધ પાડીને ડોકટર વિરુદ્ધ થયેલ ફરિયાદ રદ કરવાની માંગ કરવામાં આવી હતી અને સરકારી આરોગ્યકેન્દ્રને ગ્રામજનો દ્વારા તાળાબંધી કરવામાં આવી હતી.

માળીયા તાલુકાના જુના ઘાટીલા ગામે રહેતી અનુ. જાતિની એક મહિલા જેતપરના સરકારી દવાખાને ચેકઅપ માટે જતા સરકારી ડોકટર ડેનિશ વરસાણીયાએ સારવાર કરવાને બહાને તેની છેડતી કરી હોવાનો આરોપ લગાવી જાતીય સતામણી અને જાતિપ્રત્યે હડધૂત કરી હોવાની ફરિયાદ મોરબી તાલુકા પોલીસ મથકમાં નોંધાઈ છે.

જે મામલે જેતપર ગામ સમસ્ત દ્વારા આ ઘટનાના વિરોધમાં ગામ સ્વયંભૂ બંધ રાખી ગામની સેવામાં સતત ખડેપગે રહેતા ડોકટર વિરુદ્ધ થયેલી ફરિયાદ ખોટી હોવાનું જણાવ્યું હતું અને ગ્રામજનો દ્વારા સજ્જન ડોકટર વિરુદ્ધ થયેલી ફરિયાદ રદ્દ કરવાની માંગ કરવામાં આવી હતી. તેમજ સામુહિક આરોગ્ય કેન્દ્રને તાળાબંધી પણ કરી હતી.

Comments
Loading...
WhatsApp chat